غزل بين السايق ابو الكيه والبنيه الطالبه بالكليه

اذهب الى الأسفل

غزل بين السايق ابو الكيه والبنيه الطالبه بالكليه

مُساهمة من طرف علي ماجد العراقي في الأحد 22 مارس 2009, 2:15 am

السلام عليكم *** احبابي اليوم صارت حادثه بين ابو الكيه والطالبه الي بالكليه فتولدت فكره وصارت كلمات يا ريت تعجبكم



ما اريد اشوفك بعد لا تتصل بيه
انساني وانسى الهوى ولا تسال اعليه
ورطة التقينه سوا فد يوم بالكيه
اگبالي گاعد چنت واتباوع اعليه
صح اني حلگي حلو وخدودي ورديه
وعيوني كلش خضر چني انگليزيه
البس گصير ودلع والكحله هنديه
واضحك بلايا سبب بس حسن نيه
ومرات اباوع صفح والعب برجليه
شتفسره هذا غزل لو هاي عاديه
لو ادري بيك التقي چا جبت بوشيه
لا تغمز بحاجبك ويانه عبريه
هون عليك انتظر فدوه اصبر شويه
انطيك بوسة حنچ من توگف الكيه

***
گال اني اسمي علي من الوزيريه
بس انت شسمچ يبه گتله اسمي خيريه
نسكن بصوب الكرخ يم الغزاليه
سولفنه بس بلطف والگعده وديه
وصلني للجامعه وحط ايده بيديه
ايذكرني ظل بالوعد اوفيلي يبنيه
مو گلتي بوسه الك من توگف الكيه
گتله انتظر لا تلح والبيك هم بيه
هوايه عدنا وكت خليها بالجيه
وردينه نص الدرب بس عطلت الكيه

***
رحت وشلت جنطتي واطلقت رجليه
ولمن وصلت الجسر خطفت علي كيه
ومن عدها چيت علي ويصيح خيريه
فرغت الکیه تره نزلوا العبريه
ليش امتحانچ صعب ما بيچ حنيه
بس اني اخذ صفر وانت الچ ميه
يا حلوه وين الوعد مو گلتي بالجيه
انطيني بوسة حنچ ماريد بس هيه
گتله الشمس سلمت ما ظل وكت ليه
واعدتك وبطلت روح اشتكي اعليه
ليش انت مثل العلچ لازگ ولك بيه
جريت اذاني وتبت وادفع الف ديه
لو اظل امشي مشي ما اصعد بكيه

تقبلو مساهمتي البسيطه
علي ماجد العراقي((شعنون))
Razz Razz

علي ماجد العراقي
عضو فعال
عضو فعال

عدد المساهمات : 37
العمر : 33
رقم العضوية : 40
تاريخ الانتساب : 15/3/2009
عارضة الطاقة :
50 / 10050 / 100

احترام القوانين :
الاوسمة :
نقاط الشكر : 1
نقاط : 35431
تاريخ التسجيل : 14/03/2009

الرجوع الى أعلى الصفحة اذهب الى الأسفل

رد: غزل بين السايق ابو الكيه والبنيه الطالبه بالكليه

مُساهمة من طرف مازن العراقي في الأحد 22 مارس 2009, 7:23 am

[size=29]هههههههههههه عاشت ايدك بس وين اتروح اذا ماكو كيه شتركب تكسي[/size]
avatar
مازن العراقي
مشرف ملتقى الحياة العامة
مشرف ملتقى الحياة العامة

عدد المساهمات : 569
العمر : 44
رقم العضوية : 32
تاريخ الانتساب : 6/10/2009
عارضة الطاقة :
100 / 100100 / 100

احترام القوانين :
الاوسمة :
نقاط الشكر : 9
نقاط : 36080
تاريخ التسجيل : 06/03/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى