قصيدة ريحانه للشاعر مظفر النواب

استعرض الموضوع السابق استعرض الموضوع التالي اذهب الى الأسفل

قصيدة ريحانه للشاعر مظفر النواب

مُساهمة من طرف عباس الكربلائي في الأربعاء 06 مايو 2009, 7:16 pm



أشكد نده.....
نكط على الضلع
ونسيت أكلك يمته
أشكد رازقي ونيمته
وأشكثر هجرك عاشر
ليالي الهوى وما لمته
إنت سحنت الليل
بكليبي
وكلش موش أنت
****
يا مه التراجي مرجحن
حسك الصافي وغفه
ويامه الدمع ضوه سواد العيون
جانت ترفه
وتدري تنيت الدفو
بلهفه ورده
وما جيت ونيمني الثلج
والشته كله أتعده
لا بالمحطة رف ضوه و لاخط جانه من البعد
لا ريل مر على السده
والشته كله تعده .. كله تعده
و أعلكنه للصيف اليجي
روازينه السمره
شمع
من ينزل أول الدفو بنيسان
يهتز نبع
يمكن يخضر دمع..
يمكن بعد بالروح , يا ريحان وصله تنزرع
والكيظ أجانه و أنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه
****
ولساع من همسه تجي من بعيد
يخضر دمع
كل نسمه ترفه من تفك الباب
يخنكني الدمع
لساع ... ولذتنه أنكضت
أهجس على الكصايب شمع
وردود أكلك ... يمته؟؟
أشكد رازقي
ونيمته
أملني يسمر بيك
كل عمري أنكضه وأملته
حنه خيالك بالحلم
خايف يجي وأمنته
****
كل لحظه من هذا العمر
وعت حسافه بحبيي
يا أول الريحان يلعطيت
نويه بدروبي
ي أخر سوجي حنيني وحبي
من يوم طيفك هجر نومي ما نمت
حنية يا جذاب منك
ما شفت
من ظني كضك بالحلم
عنبر فحت
من ردت أجيسك جست روحي
وفرفحت
أترف من أجفاف المهر
قندون ...ما ضايك شكر
يا حلو يا بوسة سهر...
يا ترف يا ييزي قهر

شيضرك ... بكل شته الولهان
لو صحوة مطر؟
والشته كله تعده
والكيظ هم أتعده
شجاب العشك؟ وأشوده؟
لا بالمحطة رف ضوه...
لا خط أجانه من البعد
لا ريل مر على السده
*****
ولساع ... مشدوده شبكتك
عل الخصر
والركبه من تلتاف للبوسه
جسر
بس أنت تدري شون رصعة بالنحر
والشته شايل شليله
من يمنه وعبر
واسألته يا شته العشاك
ما عندك خبر
لك يا شته العشاك ما عندك خبر؟
والكيظ أجانه و أنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه

..............................

للشاعر الكبير
مظفر النواب
avatar
عباس الكربلائي
عضو مميز
عضو مميز

عدد المساهمات : 234
العمر : 50
رقم العضوية : 7
تاريخ الانتساب : 24/9/2008
عارضة الطاقة :
100 / 100100 / 100

احترام القوانين :
الاوسمة :
نقاط الشكر : 5
نقاط : 34007
تاريخ التسجيل : 24/09/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى