نسايم عنبر

اذهب الى الأسفل

نسايم عنبر

مُساهمة من طرف عباس الكربلائي في السبت 26 ديسمبر 2009, 5:26 am



نسايم عنبر

يا نسايم عنبر وجوري وعطــــور
ويابلابل بين اغصان الشجــــــــر


ياخمائل روض تزهي اعله الســـفوح
سابحه بمصباح زخات المطــــــــر


يامفا تن من جَعَب رجلك لفـــــــــوك
يا حلو البسمات يا شركة كمـر


يا سعد من نا لك وحظّه جبيـــــــر
يا مسرات الحبي وكت السفــــــر


ياجنائن ناظري بيك أنــــــــــــــه اذوب
وخاف اكلك خا طري بيك انجبـر


ويا محاجيك التفززني بذهــــــــــــــول
ويا لحن صوتك مثل جاري النهــــر


طلعتك مدري حرت بيها شكــــــول
بدر ساطع ليلة الرابع عشــــــــــــر


يوسنابل غافيــــــــــــه بروض ومروج
يو غواني اتعنت الليلة سهــــــــــــــر


يو اريام وسارحه وسط السهــــــول
يو كلايد لابده ابسد الشعــــــــــــــر


والضوه المحبوس مابين التلــــــــــول
جن مصا بيح الشموس اعلى البحـــر


ويا ذوايب فرهدن مني العقـــــــــــــول
ويا مباسم فرط ليلـــو وانسطـــــــر


وطرف ناعس سابحه ابجرفه الاهداب
وفنــــك ابــزورق امانيك اتعبــــــــر


والحواجب جنها حراس العيــــــــــون
دورة اهلا ل وبُعد ممشه شهــــــــــر


و اللمى بلسم لعد كل الجــــــــــــــروح
والشعر هند س امن الليل انحـــدر


والقوام السامق امهفهف نحيــــــــــل
ايقصر الريحا ن لو وصفه ابشــــــــر


والبطن قرطـاس وبنصه ســـــــواد
ومن يصل يتبرك الـــــــذاك الخطـــــر


والخدود الخابطه نار وجليـــــــــــــد
اتكول مصباح اعلى كترين انشطـــر


كلها ايامي بلا ياك اكتئـــــــــــــــاب
ومن غيابك جنحي واحد وانكسـر


شرد اوّصف حالتي دون الوصــــال
شهور عمري كلها عاشور وصفـــر


وكون يمي اتصير كل ايامي عيــــد
ومن تباعد عني يدنالي القــــــــــــــدر


حاير ومهموم آنه بهل عـــــــــذاب
ومن عذاب الله من أين المفــــــــــــر

اخوكم عباس الكربلائي
abbes_gb@yahoo.com


avatar
عباس الكربلائي
عضو مميز
عضو مميز

عدد المساهمات : 234
العمر : 51
رقم العضوية : 7
تاريخ الانتساب : 24/9/2008
عارضة الطاقة :
100 / 100100 / 100

احترام القوانين :
الاوسمة :
نقاط الشكر : 5
نقاط : 36797
تاريخ التسجيل : 24/09/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى