جرح محبوب الله يساعده

اذهب الى الأسفل

جرح محبوب الله يساعده

مُساهمة من طرف عباس الكربلائي في السبت 26 ديسمبر 2009, 5:35 am


جرح
جرح بيه يون ما هود وطاب
واعرفه اشگد كلف عند اليداوون
انعگد وياي من لحظات الـ اجياب
لجن ما بان بالدلال مدفون
رافگني العمر عن عيني ما غاب
تربى اوياي ترهم غيبته اشلون
گلت مضموم ما شايفته الاغراب
واگولن ما ظهر بس لليعرفون
اظنن هيج لاجن ظني ما صاب
واشوف الناس كلها ابجرحي يحجون
حلم جان وطلعلي الحلم جذاب
الجرح داين تبين وانه مديون
جرح كاتب ابهمه اعتاب واعتاب
يكابر بالصبر بس صبره شيكون
غميج ابسره حارت كل الالباب
يدورون اليشبهه وما يلاگون
جرح يگطر عذاب وگطره خنياب
اذا هد ابنزيفه ايفيّض الكون
جرح بس يا جرح ما حوطه اكتاب
ولا موصوف بحروف اليكتبون
جرح بس يا جرح شو صار محراب
الفلك واشما حوه اضحوا بيه يصلون
جرح بالروح ما شلته امن الحساب
احسب بلكي يشفه وشدته اتهون
يشب النار بيه وهو حطّاب
ايحطب گطرات دمي وماي العيون
جرح ضلع البتول الكسّره الباب
اذن معذور جرحي ان جان مجنون
اخوكم عباس الكربلائي
abbes_gb@yahoo.com
avatar
عباس الكربلائي
عضو مميز
عضو مميز

عدد المساهمات : 234
العمر : 51
رقم العضوية : 7
تاريخ الانتساب : 24/9/2008
عارضة الطاقة :
100 / 100100 / 100

احترام القوانين :
الاوسمة :
نقاط الشكر : 5
نقاط : 35577
تاريخ التسجيل : 24/09/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى